ວັນເສົາ ທີ 14 ຕຸລາ 2023, ເວລາ 6 ໂມງແລງ ເປັນຕົ້ນໄປ

ສະຖານທີ່: ໂຮງຮູບເງົາ ລາວເຈຣີນ, ນະຄອນໄກສອນ, ແຂວງສະຫວັນນະເຂດ

ຂໍເຊີນຊວນຜູ້ຊົມທາງນະຄອນໄກສອນ, ທາງແຂວງສະຫວັນນະເຂດ ເຂົ້າຮ່ວມຮັບຊົມການສາຍຮູບເງົາລາວ ເຊີ່ງແມ່ນຜົນງານການສ້າງ ແລະ ກຳກັບໂດຍສີມືຄົນລາວ ນຳສະເຫນີໂດຍ Blue Chair ແລະ ກອງທຶນນັກສ້າງຮູບເງົາລາວ, ໂດຍຈະມີ ທ່ານ ພອນວິໄລ ນາມມະວົງສາ ຮັບຫນ້າທີ່ເປັນພິທີກອນ ໃຫ້ການຕ້ອນຮັບບັນດາແຂກທີ່ເຂົ້າມາຮ່ວມມ່ວນຊື່ນ ເບີ່ງຮູບເງົາລາວ ແລະ ການສະແດງເຕັ້ນຈາກທິມງານພື້ນຖິ່ນ ໃນຄັ້ງນີ້, ສະຖານທີ່ຈັດງານ ໂຮງຮູບເງົາ ລາວເຈຣີນ, ວັນທີ 14 ຕຸລາ 2023, ເວລາ 6 ໂມງແລງ ເປັນຕົ້ນໄປ, ຮູບເງົາທັງຫມົດເປັນພາສາລາວ ແລະ ມີຄຳບັນຍາຍເປັນພາສາອັງກິດ.

ຂໍຂອບໃຈມາຍັງອົງການຮ່ວມມືເພື່ອການພັດທະນາ ແຫ່ງປະເທດສະວິສເຊີແລນ, ສະຖານທູດການາດາ ປະຈຳລາວ ທີ່ໃຫ້ການສະຫນັບສະຫນູນການສາຍຮູບເງົາຄັ້ງນີ້.

ລາຍການ

18:00 ຕ້ອນຮັບແຂກຜູ້ຊົມ
18:15 ການສະແດງເຕັ້ນໂດຍ M-Frolic Academy
18:30 ຮູບເງົາສັ້ນ: “ຜ້າຫົ່ມ”
18:45 ຮູບເງົາສັ້ນ: “ເລື່ອງລາວຂອງນາ”
19:00 ຮູບເງົາຍາວ: “ຮັກນີ້ບໍ່ມີສຽງ”

ນ້ອຍ, ເດັກຊາຍຫູໜວກຜູ້ພະຍາຍາມປະທັງຊີວິດອັນແສນລຳບາກດ້ວຍຕົນເອງຢູ່ຫຼວງພະບາງ, ໄປອາໄສຢູ່ໂຮງຮຽນຫຼັງນ້ອຍແຫ່ງໜຶ່ງທີ່ລາວໄດ້ຮຽນກັບເດັກຫູໜວກຄົນອື່ນໆ – ແລະ ໄດ້ເປັນໝູ່ກັບເຈນ, ຜູ້ທີ່ພໍ່ແມ່ບໍ່ຢາກໃຫ້ຫຼິ້ນກັບເດັກຫູໜວກຢູ່ໂຮງຮຽນນັ້ນ. ເມື່ອທັງສອງພົບບັນຫາໃຫຍ່, ພໍ່ຂອງເຈນ ກໍໂທດນ້ອຍ ແລະ ຂູ່ໂຮງຮຽນຂອງລາວພ້ອມ.

ຮູບເງົາເລື່ອງນີ້ແມ່ນຖືກຖ່າຍທຳທີ່ແຂວງຫລວງພະບາງທັງຫມົດ ແລະ ໄດ້ເຂົ້າສາຍຮອບປະຖົມມະທັດທີ່ງານ Blue Chair ຫລວງພະບາງ ໃນເດືອນທັນວາ 2022 ທີ່ຜ່ານມາ. ຮູບເງົາ “ຮັກນີ້ບໍ່ມີສຽງ” ແມ່ນຫນື່ງໃນບັນດາ 7 ໂຄງການຮູບເງົາທີ່ໄດ້ຮັບທຶນສ້າງຈາກ ກອງທຶນນັກສ້າງຮູບເງົາລາວ ປະຈຳປີ 2020.

ຮູບເງົາເປັນພາສາລາວ ແລະ ຄຳບັນຍາຍພາສາອັງກິດ
ຄວາມຍາວ: 1 ຊມ 30 ນທ

ງານເປີດເລີ່ມ ເວລາ 7 ໂມງແລງເປັນຕົ້ນໄປ
ໂອ້ລົມກັບຜູ້ກຳກັບ ແລະ ທິມງານ ເວລາ 7:30 ໂມງແລງ
ເລີ່ມສາຍຮູບເງົາ ເວລາ 8 ໂມງແລງ